Бишкекте чоочун унааны атайылап жок кылууга шектүүлөр кармалганын Свердлов райондук ички иштер башкармалыгынын басма сөз кызматы билдирди.
Маалыматка караганда, 15-октябрда милицияга А.Н. аттуу адам кайрылып, ал кечки саат 10:00до Элебесов көчөсүндө токтоп турган “Мерседес” үлгүсүндөгү унаасын белгисиз адамдар өрттөп салышканын айткан.
Бул фактынын негизинде Кылмыш-жаза кодексинин 216-беренеси (башка бирөөнүн мүлкүн жок кылуу же зыянга учуратуу) боюнча кылмыш иши козголгон.
Ыкчам-иликтөө иш-чараларынын жүрүшүндө кылмышка шектүү катары 1979-жылы туулган И.М., жана 1992-жылы туулган Ж.Р. кармалган.
Алар Бишкек шаардык ички иштер башкы башкармалыгынын убактылуу кармоочу жайына киргизилди. Экспертизалар дайындалып, тергөө иштери уланууда.
Биздин Телеграм каналга катталыңыз
