Бишкек шаарында 2025-жылдын 22-августунан тарта Киев жана Токтогул көчөлөрүнүн айрым тилкелери убактылуу эки тараптуу болот. Бул тууралуу Мэриядан кабарлашты.

Тактап айтканда:

• Киев көчөсү – Эркиндик бульварынан Абдрахманов көчөсүнө чейинки аралыкта;
• Токтогул көчөсү – Эркиндик бульварынан Ибраимов көчөсүнө чейинки аралыкта эки тараптуу болуп өзгөртүлөт.

Маалыматка ылайык, мындай чечим Чүй проспектиси менен Фрунзе көчөсүнүн убактылуу жабылышына байланыштуу жол тыгындарын азайтуу максатында кабыл алынууда.

Ошондой эле аталган көчөлөрдүн эки тарабына унаа токтотууга тыюу салган белгилер орнотулат.