Бишкекте бейбаштыкка шектелгендер кармалды. Бул тууралуу Патрулдук милициянын басма сөз кызматы билдирди.
Буга чейин, 17-декабрда саат 02:40та Бишкек ШИИББинин 102-бөлүмүнө борбор калаанын 7-апрель жана Фрунзе көчөлөрүнүн кесилишинде бир адам бычакталганы тууралуу маалымат түшкөн.
Окуя болгон жерге патрулдук милициянын кызматкерлери барышып, бул аймактагы бир нече жигиттер бычак менен 31 жаштагы Ж.Н.ны далыга сайып, белгисиз тарапка качып кетишкендигин аныкташкан.
Жүргүзүлгөн ыкчам-иликтөө иш-чараларынын алкагында Ысык-Көл облусунун ИИБнын кызматкери шектүү катары 24 жаштагы А.У. жана 25 жаштагы Ш.Ы.ны кармаган. Бул окуя тууралуу кошумча иликтөө иштерин жүргүзүү үчүн Свердлов РИИБге өткөрүлүп берилди.
