Бишкек шаарында Фрунзе көчөсүнүн А. Сүйүмбаев көчөсүнөн Ибраимов көчөсүнө чейинки тилкеси оңдоодон кийин ачылды. Бул тууралуу шаар мэриясы билдирди.

Оңдоо иштеринин жүрүшүндө жолдун эски асфальт катмары сыйрылып, негизи бекемделген. Ошондой эле инженердик тармактар оңдолуп, жаңы асфальт-бетон төшөлүп, жол инфраструктурасы жаңыланган.

Мэрия иштер жолдун сапатын жогорулатуу жана транспорттук инфраструктураны жакшыртуу максатында бекитилген графикке ылайык жүргүзүлгөнүн билдирди. Жаңыланган тилке жол коопсуздугун камсыздоо талаптарына жооп берери кошумчаланды.