Бишкек шаарындагы төрт райондо IV Элдик Курултайга делегаттарды шайлоо боюнча жыйындарды өткөрүүгө активдүү даярдык көрүлүүдө. Бул тууралуу шаардык мэрия билдирди.

Даярдык алкагында иш-чаралардын планы жана жыйындардын графиги бекитилди. Бишкек шаарындагы төрт райондо 17–22-октябрь аралыгында 48 жыйын өтүп, алардын жүрүшүндө 500 өкүлдүн ичинен 72 делегат шайланат.

Жыйындар төмөнкү мөөнөттөрдө жана жайгашкан жерлерде өтөт:

• Биринчи май району: 17, 20 жана 21-октябрда — мектептерде жана айыл маданият үйлөрүндө (Колмо, Маевка, Озерное ж.б.)
• Ленин району: 17–22-октябрда — №40, №57, №79, №117, №96, №92, №93 сыяктуу мектептерде.
• Свердлов району: 17–22-октябрда — мектептер жана маданият үйлөрү (Аламедин-1, Энесай, Ак-Бата ж.б.).
• Октябрь району: 17–22-октябрда — шаар ичиндеги жана Көк-Жар, Кара-Жыгач сыяктуу конуштардагы мектептерде.

Бул жыйындардын жыйынтыгында Бишкек шаары IV Элдик Курултайга делегаттарды расмий түрдө тандайт.