Бишкекте жүргүнчүлөрү бар кичи автобус оодарылып кетти. Бул тууралуу Бишкек шаардык ички иштер башкы башкармалыгынын Патрулдук милиция башкармалыгынан билдиришти.

Белгиленгендей, бүгүн, 28-июлда саат 07:40 чамасында Сухэ-Батор жана Юнусалиев көчөлөрүндө солго бурулганда жүргүнчүлөрдү ташыган №105 кичи автобус Фольксваген Пассат үлгүсүндөгү унаа менен кагышкан.

Кырсыктын кесепетинен кичи автобустун төрт жүргүнчүсү жабыркаган. Окуя болгон жерде милиция кызматкерлери иштеп жатышат.