Бүгүн, 30-июнда ӨКМдин Бишкек шаары боюнча башкармалыгында 1-июль —Куткаруучулар күнүнө карата салтанаттуу сыйлык тапшыруу аземи өттү. Бул тууралуу ӨКМдин басма сөз кызматы билдирди.
Аземде башкармалыктын, райондук өзгөчө кырдаалдар бөлүмдөрүнүн, өрт-куткаруу бөлүктөрүнүн бир катар алдыңкы кызматкерлерине министрликтин төш белгилери, Ардак грамоталары жана кезектеги аскердик наамдары тапшырылды.
Майрам алдында өткөн иш-чарада ӨКМдин Бишкек шаары боюнча башкармалыгынын башчысынын орун басары, полковник Сталбек Абдылда уулу куткаруучуларга бекем ден-соолук, кажыбас кайрат жана иштерине ийгилик каалоо менен сыйлыктарды тапшырды.
Биздин Телеграм каналыбызга катталыңыз
