Эртең, 8-сентябрдан, тарта Бишкектин Махатма Ганди көчөсүнүн (мурдагы Муромская көчөсү) Ахунбаев көчөсүнөн Гагарин көчөсүнө чейинки бөлүгү автоунаалар үчүн убактылуу жабылат.

Калаа мэриясынын маалыматында, бул чектөөлөр жолду оңдоо иштерине байланыштуу киргизилүүдө.

Мэрия жарандарга жана конокторго жол жүрүү багыттарын алдын ала пландап, башка жолдорду колдонуу зарылдыгын билдирди. Жол качан ачылары тууралуу маалымат оңдоо иштери аяктагандан кийин берилет.