Ветеринардык кызматтын инспекторлору Нарын, Ош жана Жалал-Абад облустарындагы, ошондой эле Ош жана Нарын шаарларындагы дарыканалардын ишмердүүлүгүн текшеришти. Мониторинг 2026-жылдын 27-августундагы ведомстволук буйруктун негизинде жүргүзүлдү.

Адистер объектилердин реестрде катталышын, жаныбарлар үчүн дары-дармектерди сатуу тартибин жана сактоо эрежелерин текшерүүгө алышты. Бир катар дарыканаларда инспекторлор эсептик каттоонун жоктугун, ошондой эле ветеринардык препараттар менен агрохимикаттардын бир жерде чогуу сакталган фактыларын аныкташты.

Соода түйүндөрүнүн кызматкерлерине жана ээлерине түшүндүрүү иштери жүргүзүлүп, мыйзам бузууларды жоюу боюнча эскертмелер (жазма буйруктар) берилди.