Бишкекте Нарын облусунун мурдагы башчысы Адылбек Эсенбеков кармалды. Бул тууралуу Reporter.kg’ге күч түзүмдөрүндөгү өздүк булактары билдирди.

Маалыматка караганда, ал массалык башаламандыктарга чакырык жасоого шектелип кармалган. Учурда ал Бишкек шаардык милициянын убактылуу кармоочу жайына камакка алынган.

Белгилүү болгондой, буга чейин ал Нарын шаардык кеңешинин төрагасы, Нарын шаарынын суу чарба башкармалыгынын башчысы болгон.

Күч түзүмдөрүнүн маалыматы боюнча, ал буга чейин Кылмыш-жаза кодексинин (эски редакциясы) 171-беренеси (ишенип берилген мүлктү ыйгарып алуу же коротуу) же 304-беренеси (кызмат абалынан кыянаттык менен пайдалануу) боюнча кылмыш жоопкерчилигине тартылган.

Биздин Телеграм каналга катталыңыз