Бишкекте оор атлетика боюнча Кыргызстандын чемпионаты өтөт. Бул тууралуу Дене тарбия жана спорт департаментинен билдиришти.

Мелдеш 25-27-ноябрь күндөрү “Газпром” спорт комплексинде өтөт. Ага өлкөнүн бардык аймактарынан келген спортчулар катышат.

Жеңүүчулөргө Спорттун олимпиадалык түрлөрү боюнча дирекциясы жана Оор атлетика федерациясы тарабынан тиешелүү даражадагы дипломдор жана медалдар тапшырылат.

Таймаштар өтө турган салмактар:

Эркектер: 55, 61 67, 73, 81, 89, 96, 102, 109, +109 кг;

Кыз-келиндер: 45, 49, 55, 59, 64, 71, 76, 81, 87, +87 кг.