Бишкекте ити тиштеп алган кожоюндун колу кесилди. Бул тууралуу Саламаттыкты сактоо жана социалдык өнүктүрүү министрлиги билдиргенин “super.kg” жазды.

Белгилүү болгондой, бейтап 15-сентябрда “Тез жардам” кызматы аркылуу ооруканага кайрылган.

“Бейтап эки билеги, санынын бир канча жери тиштелген, тарамыштары, булчуңдары, кан тамырлары, нервдери жабыркаган абалда ооруканага келип түшкөн. Микрохирургдар дароо консилиум өткөрүшүп, бейтаптын ийининин үчтөн бир бөлүгүн, тагыраагы, эки колун тең кесүүнү чечишти. Учурда бейтаптын жалпы абалы орто оор, тиешелүү дарылануудан өтүп жатат”, – дешти мекемеден.

Министрликтен кошумчалашкандай, бейтапка өзүнүн ити кол салган.