Бүгүн, 29-июндан тарта Бишкек шаарындагы Семетей көчөсү Садырбаев көчөсүнөн Чыңгыз Айтматов проспектисине чейинки аралыкта унаа кыймылы үчүн жабылат. Бул тууралуу шаар мэриясы билдирди.

Чектөөлөр аталган тилкени реконструкциялоо иштерине байланыштуу киргизилүүдө. Буга байланыштуу төмөнкү автобус каттамдарынын жүрүү багыттары убактылуу өзгөртүлөт: №1, №8, №33, №55, №56 жана №103.

Автобустар оңдоо иштери аяктаганга чейин жакын жайгашкан альтернативдүү көчөлөр аркылуу каттайт. Бишкек шаарынын мэриясы тургундарды жана айдоочуларды жол жүрүү багыттарын алдын ала пландаштырууга чакырды.