Бишкекте тез жардам унаасы менен “Сузуки” үлгүсүндөгү жеңил унаанын катышуусунда жол кырсыгы катталды. Бул тууралуу Жол коопсуздугун камсыздоо башкармалыгынын басма сөз кызматынан кабарлашты.

Маалыматка караганда, жол кырсыгы кечээ, 4-ноябрда Москва менен Турусбеков көчөлөрүнүн кесилишинде болгон.

Кырсыктан тез жардам кызматынын менен жеңил унаанын айдоочусу жана бир жана төрт жаштагы эки жаш бала жабыркаган.

Эки айдоочу Улуттук госпиталга, ал эми жаш балдар шаардагы №3 балдар ооруканасына жеткирилген.

Аталган факты Кылмыштар жана жоруктардын бирдиктүү реестринде катталып, учурда кырсыктын себептери териштирилип жатат.