Чүй камералык оркестри классикалык музыка программасы менен аймактарга гастролдук сапарга чыгат. Чыгармачыл жамаат Жумгал жана Тогуз-Торо райондорунун тургундары үчүн концерт коёт. Бул тууралуу Маданият министрлиги жарыялады.

Концерттердин өтүүчү жайлары:

• 18-сентябрь — Тогуз-Торо райондук А. Сыдыков атындагы маданият үйү;
• 19-сентябрь — Жумгал райондук Ч. Дүйшеева атындагы балдар искусство мектеби.

Концерттерге кирүүсү акысыз.

Министрликтин маалыматында, долбоордун максаты — классикалык музыканы кеңири аудиторияга жеткиликтүү кылуу, жандуу оркестрдин аткаруусун аймактардын маданий жашоосунун ажырагыс бөлүгүнө айландыруу жана көрүүчүлөргө жандуу музыканын өзгөчө таасирин тартуулоо болуп саналат.