Бишкекте жана Чүйдө катуу шамал болору күтүлүүдө. Бул тууралуу Өзгөчө кырдаалдар министрлигинен билдиришти.

Кыргызгидромет кызматынын маалыматына ылайык, жакынкы саатта жана күндүз Бишкек шаарында жана Чүй өрөөнүндө катуу шамал болуп, анын ылдамдыгы секундасына 15-20 метрге жетиши мүмкүн.

Министрлик катуу шамал болгондо, коопсуз жерде турууну, кандайдыр бир кырдаалга туш болсоңуз 112 кызматына кабар берүүнү суранат.