12-декабрда, Улуттук адабият күнүндө жана залкар жазуучу Чыңгыз Айтматовдун туулган күнүндө анын эстелигинин алдында эскерүү акциясы өттү. Классикке таазим этип, монументке гүл коюу үчүн 100дөн ашуун ыктыярчы жана активист чогулду.

Иш-чаранын катышуучулары жазуучуну бир мүнөт унчукпай туруу менен эскерип, анын чыгармачылыгынын дүйнөлүк маданиятка жана Кыргызстан элинин иденттүүлүгүнүн калыптанышына кошкон баа жеткис салымын белгилешти.

Акциянын уюштуруучулары («Евразия» АЭУнун ыктыярчылары) баса белгилегендей, мындай иш-чаралар жаштарды өз өлкөсүнүн тарыхына жана маданиятына аяр мамиле жасоого тарбиялоо үчүн зарыл.