Бишкекте жол кырсыгынан бир адам жаракат алды.  Бул тууралуу Өзгөчө кырдаалдар министрлигинен билдиришти. 

Маалыматка ылайык, Бишкек шаарынын Горький жана 7-апрель көчөлөрүнүн кесилишинде “Фольксфаген Гольф” үлгүсүндөгү унаанын айдоочусу рулга ээ боло албай жолдон чыгып, бакты сүзүп алган.

Кырсыктын кесепетинен унаада бара жаткан аял киши жаракат алган. Куткаруучулар жабыркаган жаранды унаадан чыгарышып, “Тез жардам” кызматкерлерине өткөрүп беришкен.