Бишкектин Токтоналиев көчөсүндөгү «Жаштар кварталы» турак жай комплексинде кишини сулата тепкен окуя катталды.

Октябрь РИИБнин маалыматы боюнча, «Бейбаштык» беренеси менен кылмыш иши козголуп, 40 жаштагы С.С. жана 37 жаштагы Л.Ю. кармалды. Ошондой эле «Майда бейбаштык» беренеси боюнча 36 жаштагы Р.Б. аттуу жаранга протокол түзүлдү.

Күбөлөрдүн айтымында, кол салган адам ак түстөгү Hyundai үлгүсүндөгү унааны айдап жүргөн. Азырынча ал изделүүдө.

Милиция териштирүү иштерин жүргүзүп, видеодогу кишини аныктап жатканы кабарланды.