Бишкектеги «Ырыс Ордо» конгресс-холлунун курулушу аяктоо алдында турат. Бул тууралуу Кыргызстандын президентинин администрациясынан билдиришти.

Аянты 39 миң чарчы метрди түзгөн жаңы комплекс президенттин администрациясынын «Ынтымак Ордо» имаратынын жанында жайгашкан.

Конгресс-холл мурдагы ВДНХ комплексинин жана «Фламинго» сейил багынын аймагында курулууда. Комплексте 1 миң 238 орундуу конференц-зал жана 1 миң конокко ылайыкталган банкет залы каралган.

Мындан тышкары, «Ырыс Ордонун» аймагында беш сүйлөшүү бөлмөсү, заманбап пресс-борбор, 300 унаага ылайыкталган унаа токтотуучу жай жана сегиз мейманкана жайгаштырылат.