Бишкектеги жол кырсыкта эки айдоочу каза болду. Бул тууралуу шаардык милициядан билдиришти.
Жол кырсык 26-декабрга караган түнү болжол менен саат 02:00до Шербаков менен Сеченов көчөлөрүнүн кесилишинде болгон. Щербаков көчөсүндө чыгышты көздөй бараткан «КИА К5» унаасы ошол эле көчөдө батышты көздөй келе жаткан «Мерседес-Бенц» унаасы менен сүзүшкөн. Анын айынан 36 жаштагы (А.А.) жана 35 жаштагы (Э.Д.) айдоочулар көз жумган.
Ошондой эле аталган унааларда келе жаткан үч жүргүнчү жаракат алып, Улуттук госпиталдын жандандыруу бөлүмүнө түшкөн.
Аталган факт каттоого алынып, тиешелүү экспертизалар дайындалган.
