Бишкек мэриясына болгон ишеним тарыхый деңгээлге жетти. Статкомдун изилдөөсүнө ылайык, 2025-жылдын биринчи жарым жылдыгында мэриянын ишеним индекси 60,9 баллды түздү. Бул – байкоо жүргүзүлө баштагандан берки эң жогорку көрсөткүч.

Муниципалитеттин маалыматына караганда, 2022-жылы бул көрсөткүч 34,4 балл болгон. Демек, үч жыл ичинде шаар бийлигине болгон ишеним дээрлик эки эсе өскөн.

Буга чейин калктын мамлекеттик органдарга ишеними артып жатканы, өзгөчө мэрияларга болгон ишенимдин өсүшү байкалганы кабарланган.