«Бишкексууканал» ишканасынын абоненттери үчүн «Менин шаарым» мобилдик тиркемесинде жаңы кызмат ишке кирди. Эми жарандар суу эсептегичтердин көрсөткүчтөрүн онлайн түрдө жибере алышат. Бул тууралуу шаар мэриясы кабарлады.

Бул үчүн тиркемедеги «Кызматтар» бөлүмүнө кирип, «Коммуналдык кызматтар» менюсунан «Бишкексууканалды» тандоо керек. Көрсөткүчтөрдүн так киргизилиши төлөмдөрдүн туура эсептелиши үчүн маанилүү.

Мэрия учурда коммуналдык кызматтарды санариптештирүү иштери уланып жатканын билдирди. Жакынкы арада ушундай эле функциялар борбор калаанын башка коммуналдык ишканалары үчүн да ачылат.