Бишкек шаарынын Ак-Ордо конушундагы Теңир-Тоо көчөсүнө салынып жаткан жаңы мектептин курулушу аяктады. Окуу жай Эгемендүүлүктүн 35 жылдыгына карата 12-сентябрда пайдаланууга берилет. Бул тууралуу Курулуш, архитектура жана турак жай-коммуналдык чарба министрлиги билдирди.

Маалыматка ылайык, жаңы мектеп үч кабаттан жана 4 блоктон турат. Курулуш иштери үчүн каражат республикалык бюджеттен бөлүнгөн.

Имаратта химия жана физика лабораториялары, информатика классы, эмгек кабинеттери, ашкана, китепкана жана спорт залы жайгашкан. Ошондой эле мектептин аймагында футбол, волейбол жана баскетбол аянтчалары курулган.