Бүгүн, 13-октябрдан, тарта Бишкек шаарындагы Ауэзов көчөсүнүн Жибек-Жолу проспектисинен У.Салиева көчөсүнө чейинки бөлүгү калыбына келтирүү үчүн убактылуу жабылат. Бул тууралуу шаар мэриясы билдирди.

Маалыматка ылайык, оңдоо иштеринин алкагында асфальт төшөлүп, тротуарлар калыбына келтирилет.

Мэрия убактылуу ыңгайсыздыктарга түшүнүү менен мамиле кылып, каттамдарды алдын ала пландап, мүмкүн болушунча коомдук транспортту пайдаланууну өтүндү.