26-июнунда саат 09:00дөн 21:00гө чейин Бишкек шаарынын бир катар көчөлөрүндө ичүүчү сууну берүү токтотулат. Бул тууралуу борбор калаанын мэриясы билдирди.

Суу берүү Коперник көчөсүндөгү диаметри 200 мм болгон түтүктө авариялык-калыбына келтирүү иштерине байланыштуу өчүрүлөт. Өчүрүү аймагы төмөнкү көчөлөр менен чектелет: Коперник, Поваринская, Тыналиев, И. Ахунбаев жана Садырбаев көчөлөрү.

«Бишкексууканал» ишканасы тургундарды ичүүчү сууну камдап алууга чакырды.