Кыргызстандын парламенти кезектеги сессиясын жыйынтыктап, тыныгуу жарыялады. Эс алууга кетер алдында мыйзам чыгаруу ишмердүүлүгүнүн жарым жылдык жыйынтыгын төрага Марлен Маматалиев айтып берди.

Өткөн жарым жылдыктын негизги көрсөткүчтөрү төмөнкүчө: депутаттар акыркы алты айда жалпысынан 145 мыйзам кабыл алышты. Алардын ичинен 94 мыйзам тиешелүү процедуралардан өтүп, президент тарабынан кол коюлган.

Каникул мезгилине карабастан, депутаттар аймактардагы шайлоочулар менен ишин улантышат. Ал эми парламенттин жаңы сессияларынын расмий ачылышы сентябрдын алгачкы күндөрүнө белгиленген.