15-сентябрда саат 09:00дөн 19:00гө чейин Бишкек шаарынын бир бөлүгүндө ичүүчү суу берүү токтотулат. Бул тууралуу шаар мэриясы билдирди.

Суу өчүрүлө турган аймактар:

• Достоевский көчөсү, Анкара көчөсү, Ауэзов көчөсү жана темир жол тилкеси менен чектелген аймак;
• «Алтын-Ордо» конушу;
• «Кара-Жыгач» конушу;
• «Полицейский городок» конушу.

Чектөө турак жайларга, билим берүү жана саламаттыкты сактоо мекемелерине, ошондой эле башка социалдык жана өндүрүштүк объекттерге тиешелүү. Суу берүү «Контррезервуар» суу топтомосундагы оңдоп-түзөө иштерине байланыштуу токтотулат.

«Бишкексууканал» ишканасы тургундарды жана уюмдарды ичүүчү сууну алдын ала камдап алууга чакырды. Ичүүчү суунун өчүрүлүшү тууралуу маалыматтарды «Менин шаарым» тиркемеси аркылуу алууга болот.