20-ноябрда Бишкек шаарынын бир районунда ичүүчү суу саат 09:00дөн 19:00гө чейин токтотулат. Бул тууралуу шаар мэриясы билдирди.

Суу Көк-Жар суу алуучу жайында жүргүзүлө турган оңдоо иштерине байланыштуу турак жайларда, мектептерде, бала бакчаларда, медициналык мекемелерде жана башка социалдык жана өндүрүштүк объектилерде токтотулат.

Өчүрүү аймагы төмөнкү көчөлөр менен чектелет:

7-Апрель – Улан-2 кичи району – Аламүдүн суусу – Скрябин көчөсү – Юнусалиев көчөсү – М. Горький көчөсү – 7-Апрель көчөсү.

“Бишкексууканал” жаралган ыңгайсыздыктар үчүн кечирим сурап, тургундарды ичүүчү сууну алдын ала камдап алууга чакырды.