Бишкектин ичине 12 санитардык пост коюлду. Постто шаар ичинде каттап жаткандардын ден соолугу текшерилет. Мындай чечимди Бишкек шаарынын бийлиги кабыл алганын республикалык штабдан билдиришти.
12 пост төмөнкү жерлерге коюлат:
- Фучик көчөсү менен Чоң Чүй каналынын кесилишине;
- Жаш гвардия бульвары проспектиси менен Саадаев көчөлөрүнүн кесилишине;
- Тоголок Молдо менен Саадаев көчөлөрүнүн кесилишине;
- Курманжан датка көчөсү менен Чоң Чүй каналынын кесилишине;
- Жибек жолу пр. менен Лермонтов көчөлөрүнүн кесилишине;
- Салиева менен Ауэзов көчөлөрүнүн кесилишине;
- Ауэзов менен Анкара көчөлөрүнүн кесилишине;
- 7-апрель көчөсүнө;
- Кожобергенов менен Жеңиштин 50 жылдыгы көчөлөрүнүн кесилишине;
- Дэн Сяопин менен Алыкулов көчөлөрүнүн кесилишине;
- Муромская жана Алыкулов көчөлөрүнүн кесилишине;
- Кожобергенов менен Семетей көчөлөрүнүн кесилишине.
Жеринде ӨКМдин жана милиция кызматкерлери күзөттө турат. Ал эми азык-түлүк менен товар ташыгандар тоскоолдуксуз өткөрүлөт.
Калаа бийлиги шаардыктарды үйдөн чыкпоого чакырды.
