Бишкек шаарында 13-августтан тарта Интергельпо көчөсүнүн Дэн Сяопин проспектисинен Москва көчөсүнө чейинки бөлүгүндө кыймыл убактылуу бир тараптуу болуп уюштурулду. Бул тууралуу мэрия кабарлады.

Бул өзгөртүү Дэн Сяопин проспектисин реабилитациялоо иштерине байланыштуу жол тыгынын азайтуу максатында киргизилди.

Бишкек шаарынын мэриясы шаар тургундары менен конокторун бул жагдайга түшүнүү менен мамиле кылууга чакырып, мүмкүн болсо жеке унаанын ордуна коомдук транспортту пайдаланууну сунуштады.