6-октябрда саат 09:00дөн 00:00гө чейин Бишкек шаарынын Кара-Жыгач конушунда ичүүчү суу берүү токтотулат. Бул тууралуу шаар мэриясы билдирди.

Суу берүүнү токтотуу диаметри 500 мм болгон суу түтүгүндө оңдоп-түзөө иштеринин жүргүзүлүшүнө байланыштуу. Чектөө конуштун аймагындагы турак үйлөргө, билим берүү жана саламаттыкты сактоо мекемелерине, ошондой эле социалдык жана өнөр жай объекттерине тиешелүү.

«Бишкексууканал» ишканасы жашоочулардан жана уюмдардан ичүүчү сууну алдын ала камдап алууну эскертти. Өчүрүүлөр тууралуу маалыматтар «Менин шаарым» тиркемесине да жайгаштырылат.