Бишкек шаарынын мэриясы борбордук көчөлөрдүн болгон Киев көчөсүн жөө адамдар аймагына айландыруу долбоору боюнча коомдук талкуу өткөрөт. Муниципалитеттин маалыматында, талкууга шаар тургундары, эксперттер жана коомчулук өкүлдөрү чакырылат.

Талкуу 2026-жылдын 5-июнунда саат 17:00дө Чүй проспектиси, 168а дарегиндеги «Тунгуч» театрында өтөт. Презентациядан кийин катышуучулар долбоор боюнча сунуш-пикирлерин жана суроолорун билдирүүгө мүмкүнчүлүк алышат.

Белгилей кетсек, Бишкек шаарынын 2050-жылга чейинки башкы планында Киев көчөсүн Бейшеналиева көчөсүнөн Жусуп Абдрахманов көчөсүнө чейин бир гана жөө жүргүнчүлөр жана коомдук транспорт жүрө турган жолго айландыруу каралган.