Бишкек шаарында 3-октябрда саат 07:00дөн 23:00гө чейин Жукеев-Пудовкин көчөсүнүн айрым тилкелеринде унаа кыймылына убактылуу чектөө киргизилет. Бул тууралуу шаар мэриясы маалымдады.

Чектөө аталган көчөнүн асфальт жабуусунун бузулган бөлүктөрүн оңдоого байланыштуу. Жолдун кыймылы Медеров көчөсүнөн Карасаев көчөсүнө чейинки жана Карасаев көчөсүнөн Анкара көчөсүнө чейинки тилкелеринде убактылуу токтотулат.

Мэрия айдоочуларды жол жүрүү багыттарын алдын ала пландап, башка көчөлөрдү пайдаланууга чакырды.