Бишкек шаарында адам өлтүргөнгө шектүү кармалды. Бул тууралуу Биринчи май райондук милициясынан билдиришти.
Маалыматка ылайык, 23-май күнү саат 19:26да милициянын нөөмөт бөлүмүнө Тоголок-Молдо көчөсүндө жайгашкан Пишпек ресторанынын жанындагы токойдо бычактан жаракат алган адам тууралуу билдирүү түшкөн.
Окуя болгон жерге барган кызматкерлер 50-55 жаштагы эркек кишинин жансыз денесин көргөн. Аталган факты 130-берене (адам өлтүрүү) менен катталып, маркум Жалал-Абад облусунун 1974-жылы туулган, туруктуу жашаган жери жок тургун экенин аныктаган.
Ыкчам тергөө иштеринин жүрүшүндө шектүү катары Ысык-Көл облусунда 1973-жылы жарык дүйнөгө келген аял киши кармалган. Ал буга чейин бир нече ирет соттолгону айтылат. Шектүү суракта оң көрсөтмө берип, аны мууздаган бычагын көрсөткөн.
Учурда тергөө иши уланып жатканы кабарланат.
