Ошто шайлоо катара илинген баннерге ката жазылган. Аны шаар тургундары тартып, интернетке жарыялашты.

Анда “28 апреля 2024 года  – №7 Ош бир мандаттуу шайлоо округунан  Кыргыз Республикасынын Жогорку Кеңешинин депутатын мөөнөтүнөн мурда шайлоо күнү”, – деп жазылган.

“Тилдин ашмалтайын чыгардыңар. Сүйлөмдүн башы орусча, калганы – кыргызча”, – дейт шаар тургуну.

Борбордук шайлоо комиссиясы Reporter.kg’ге  басмакана ката кетиргенин, баннер кайра даярдалып жатканын айтты.

“Азыр кайра жазып, даярдап жатышат. Бир сааттын ичинде туура варианты илинет”, – дейт.