Бразилиянын мурдагы президенти Жаира Болсонару аскердик төңкөрүш даярдаган деген айып менен 27 жылга кесилди. Бул тууралуу BBC Орус кызматы жазып чыкты.

Маалыматка ылайык, Бразилиянын Жогорку сотунун судьялар коллегиясы мындай чечимди Болсонару 2022-жылкы шайлоодо жеңилип калгандан кийин аскердик төңкөрүш жасоо максатында жашыруун сүйлөшүүлөрдү уюштурган деп айыптап, чыгарган.

Жогорку соттун беш судьясын төртөө 70 жаштагы Болсонаруга тагылган айыптарды таанышкан, ал эми бир судья аны актаган.

Болсонарунун жактоочулары чечимди “ашыкча абсурддук” деп атап, чечимге каршы “бардык, анын ичинде эл аралык деңгээлде” даттанууга убада беришкен.