Борбордук шайлоо комиссиясы 9-сентябрда шайлоо округдарынын схемаларын жана чек араларын башкаруу тартиби жөнүндөгү жобого өзгөртүүлөрдү киргизди. Бир шайлоо тилкесиндеги шайлоочулардын чектик саны 3 000ден 4 000 адамга чейин көбөйтүлдү.

Ведомствонун маалыматы боюнча, бул чечим имараттардын жетишсиздиги шартында жаңы тилкелерди ачуу зарылдыгын кыскартуу, ошондой эле уюштуруу чыгымдарын жана комиссия мүчөлөрүнүн эмгегине акы төлөөгө кеткен чыгымдарды азайтуу максатында кабыл алынды.

Мындан тышкары, жер-жерлердеги курулуштардын жыштыгын жана калктын санын эске алуу менен тилкелердин чек араларын аныктоодо жергиликтүү өз алдынча башкаруу органдарына кошумча мүмкүнчүлүктөр берилди.