Кыргызстандын экономикасынын өсүү темпи дүйнөдөгү эң жогорку көрсөткүчтөрдүн бири бойдон калууда. Бул тууралуу президент Садыр Жапаров Жогорку Кеңеште сүйлөп жатып билдирди.

Анын айтымында, акыркы төрт жылда өлкө экономикасынын орточо жылдык өсүү темпи 10,2 пайызды түздү.

Президент белгилегендей, 2026-жылы да өсүш уланууда. Январь — июль айларынын жыйынтыгы боюнча ички дүң продукциянын реалдуу өсүү темпи 11,1 пайызды түздү.

«Бул Борбордук Азияда гана эмес, дүйнө жүзүндө эң жогорку экономикалык өсүү темптеринин бири», — деди Садыр Жапаров.

Президент өлкөнүн экономикалык потенциалынын бекемделишин акыркы жылдардагы башкы жетишкендиктердин бири деп атады.