Борбордук шайлоо комиссиясы талапкерлерге жана саясий партияларга шайлоо мыйзамдарын так сактоону эскертти.

Маалыматка караганда, 10-ноябрга чейин үгүт иштерин жүргүзүүгө тыюу салынат. Бул мезгилде талапкерлер шайлоочуларга белек, материалдык же башка түрдөгү жардам көрсөтүүгө да укуксуз.

Ошондой эле, шайлоо өнөктүгү маалында саясий атаандаштар тууралуу тастыкталбаган же жалган маалымат таратууга тыюу салынары белгиленди.

БШК мыйзам бузуулар аныкталган учурда талапкерди каттоодон баш тартууга чейин чара көрүлөрүн эскертти.