Кыргызстандын Улуттук банкы «Почта Банк» юридикалык жакты түзүүгө уруксат берди. Банк өлкөнүн бардык аймактарында калкка жана бизнеске банктык кызматтардын толук топтомун көрсөтүүнү пландап жатат.

Долбоор банктык инфраструктураны өнүктүрүүгө жана ири шаарлардан тышкары, анын ичинде алыскы аймактарда да каржылык кызматтардын жеткиликтүүлүгүн жогорулатууга багытталган.

Долбоордун өнөктөшү болуп «Кыргыз почтасы» ААКсы саналат. Компаниянын республика боюнча филиалдарынын жана агенттик түйүндөрүнүн кеңири тармагы бар. Анын жардамы менен «Почта Банк» көбүрөөк аймакты камтып, учурда банктык кызматтар чектелүү болгон жерлерде да аларды сунуштай алат.

Азырынча банкты түзүүгө гана уруксат берилди. Эми ал мыйзамда каралган лицензиялоо жол-жоболорунан өтүп, керектүү операциялык инфраструктураны түзүп, ишин баштоого даярданышы керек.