Бишкек шаарындагы Турдакун Усубалиев атындагы аянтта 17–19-октябрда Айыл чарба кызматкерлеринин күнүнө карата республикалык «АгроТехЭкспо-2025» агроөнөржай көргөзмөсү жана «Алтын күз» азык-түлүк жарманкеси өтүүдө.

Маалыматка ылайык, көргөзмөдө:

• заманбап айыл чарба техникалары жана кайра иштетүүчү жабдуулар,
• инновациялык агротехнологиялар, үрөндөр, жер семирткичтер, өсүмдүктү коргоочу каражаттар,
• асыл тукум мал жаныбарлары көрсөтүлөт.

Жарманкеде органикалык таза айыл чарба азык-түлүктөрү арзан баада сатылып, республиканын бардык аймактарындагы кайра иштетүүчү ишканалардын продукциялары да эл назарына коюлат. Айтмакчы, Ош, Нарын, Ысык-Көл, Жалал-Абад, Талас, Баткен жана Чүй облустарында өндүрүлгөн бардык товарлар жарманкенин текчелеринде орун алмакчы.