2025-жылдын 11-сентябрынан тарта Россия аймагында жүрүү статусун аныктабаган чет элдик жарандар, анын ичинде кыргызстандыктар да өлкөдөн чыгарылат. Аларга кайра кирүүгө да тыюу салынары белгиленди.

Кыргызстандын Тышкы иштер министрлигинин маалыматына ылайык, дипломаттар кыргызстандык жарандардын укуктарын коргоо үчүн Россия тарап менен байланышта иш жүргүзүүдө.

Маалыматка караганда, 2025-жылдын сентябрынын башына карата Россиядагы көзөмөлдөгү адамдардын реестрине 85,9 миң кыргызстандык киргизилген. Ал эми жыл башынан бери реестрден 98,6 миң жаран чыгарылган.

Эске салсак, мигранттардын Россияда жүрүүсүн мыйзамдаштыруу боюнча жүргүзүлгөн өнөктүк 10-сентябрда аяктады.