Түркстан шаарында Кыргызстандын жана Азербайжандын мамлекеттик бажы мекемелеринин жетекчилеринин жолугушуусу болуп өттү. Бул тууралуу Бажы кызматы кабарлады.

Маалыматка ылайык, жолугушууда Алмаз Салиев менен Шахин Багиров эл аралык соода процесстерин жөнөкөйлөтүү жана ылдамдатуу боюнча практикалык кадамдарды талкуулашкан. Бул аракеттер эки өлкөнүн ортосунда товар жүгүртүүнү көбөйтүүгө жана бажы органдарынын ишинин натыйжалуулугун жогорулатууга багытталган.

Жолугушуунун жыйынтыгында эки өлкөнүн бажы кызматтарынын ортосунда алдын ала маалымат жана импорттук-экспорттук операциялар боюнча маалымат алмашууну ишке ашыруу ниети тууралуу макулдашууга жетишилген.