Дээрлик үч жылдан кийин: Ми-8дин кыйрашы боюнча эки аскер кызматкери камаккаалындыКыргызстандын вице-премьеринин мурдагы кеңешчиси алдамчылык иши боюнча камакка алындыТатьяна Ким 20 жыл иштегенден кийин Wildberries башчысы кызматынан кетти — эмнелер белгилүүБанктар сентябрда курулушка 12,3 миллиард сомдук насыя бердиБишкекте ӨКМге караштуу Башкаруу борборунун экс-башчысы камакка алынды — райондук соттун тактоосу1,5 миң сомдук аңчылык күбөлүгү: Кыргызстанда жаңы эрежелер иштелип чыкты
Эмгек министрлиги Россияда жашаган кыргызстандыктардын 30 баласын Ысык-Көлгө эс алууга жөнөттү
25.08.2026 | 11:15

Эмгек, социалдык камсыздоо жана миграция министрлиги Россияда жашаган кыргызстандыктардын 30 баласын Ысык-Көл облусуна жайкы эс алууга жөнөттү. Бул тууралуу ведомствонун басма сөз кызматы билдирди.
Балдар Чолпон-Ата шаарындагы «Меридиан» ден соолукту чыңдоочу лагеринде эс алышат. Алар үчүн спорттук, маданий жана таанып-билүү иш-чаралары камтылган программа даярдалган.
Атап айтканда, балдар VI Дүйнөлүк көчмөндөр оюндарынын иш-чараларына катышып, кыргыз маданияты, улуттук каада-салттары жана өлкөнүн тарыхы менен жакындан таанышышат.
Эмгек министрлигинен белгилешкендей, программа чет өлкөдө жашаган кыргызстандыктардын балдарынын Кыргызстан жана улуттук маданият менен болгон байланышын сактоого багытталган.
Рубрики: Жаңылыктар, Коом