Бишкек шаарында чак түштө үйгө кирип, алтын жасалганы уурдоого шектелип 38 жаштагы жаран кармалды. Бул тууралуу шаардык милициянын басма сөз кызматы билдирди.

Маалыматка ылайык, милицияга жаран арыз менен кайрылып, 6-февраль күнү саат 11:00дөн 13:00гө чейинки аралыкта белгисиз адам Ак-Босого конушундагы үйүнө эшикти бузуп кирип, баасы 50 миң сомдук алтын чынжырчаны кулону менен уурдап кеткенин билдирген.

Аталган факт боюнча Кылмыш-жаза кодексинин “Уурдоо” беренеси менен кылмыш иши козголгон. Шектүү катары И.Т. аттуу жаран кармалып, убактылуу кармоочу жайга киргизилген. Тергөө уланууда.

Посмотреть эту публикацию в Instagram

Публикация от Reporter.kg (@reporter_kg)