Жалал-Абад облусунун Чаткал районунда 2011-жылы туулган өспүрүм окуучу ур-токмоктон каза болду. Облустук милициянын маалыматында, өспүрүм 18-сентябрда аймактык оорукана жетпей каза болгон.

Бул маалымат Чаткал райондук ички иштер бөлүмүнө катталган. Факт боюнча Кылмыш-жаза кодексинин 130-беренесинин (Ден соолукка оор залал келтирүү) негизинде кылмыш иши козголгон.

Тергөөнүн алкагында 2011-жылы туулган И.М., Н.С., Н.К. жана Т.А. аттуу өспүрүмдөр шектүү катары кармалып, убактылуу кармоочу жайга киргизилди. Учурда окуянын жагдайларын аныктоо үчүн экспертизалар дайындалып, тергөө иштери жүргүзүлүп жатканы айтылды.