Жалал-Абаддын Чаткал районунун Чакмак-Суу айылындагы “Кичи-Чаарат” байытуу фабрикасында иштеген жумушчу каза болду. Бул тууралуу облустук милиция билдирди.

Окуя 30-июлда болжол менен саат 07:30да болгон. Жумушчу фильтр-пресс аппаратынын ичине түшүп, кароо жүргүзүп жатканда, жабдык белгисиз себептерден улам иштеп кетип, жумушчуну кысып калган. Ал алган жараатынан улам көз жумган.

Учурда соттук-медициналык экспертиза дайындалган.

Малкум (М.А.) 39 жашта болгон. Ал аталган ишканада 2019-жылдан бери иштеп келе жаткан.