Бишкек шаарынын мэриясы мурдагы «Чатыр-Көл» кинотеатрынын ордуна курула турган маданий борбордун эскиздик долбоорун даярдады.

Мэрия буга чейин кинотеатрдын ордуна заманбап маданий борбор куруларын маалымдаган.

Учурда Капиталдык курулуш башкармалыгы тарабынан имаратты демонтаждоо иштери жүргүзүлүүдө. Ошондой эле объектти долбоорлоо иштери жүрүүдө.

2025-жылдын 5-ноябрында кинотеатрда өрт чыгып, анын кесепетинен имарат жабыркаган. Окуядан кийин мэрия имаратты изилдеп, анын ордуна жаңы маданий борбор куруу долбоорун иштеп чыгууну тапшырган.