Чек ара кызматы: Баткенге аскер техникалары баратат деген жалган маалымат

Чек ара кызматы: Баткенге аскер техникалары баратат деген жалган маалымат

Социалдык тармактардагы “кыргыз-тажик чек арасына аскер техникалары баратат” деген маалымат жалган. Бул тууралуу Мамлекеттик чек ара кызматы атайын билдирүү таратты.

 Мекеменин маалыматына карганда сөз болуп жаткан аскер техникалары бараткан видео Жалал-Абадка бараткан ашууда тартылганын, ал “Сары – Таш – 2019” машыгууларынан  кийинки аскердик техникалар экенин билдирди.

Муну менен бирге Мамлекеттик чек ара кызматы жарандарды чагымчыл маалыматтарга ишенбөөгө жана андай маалыматтарды таратпоого чакырат.

Белгилей кетсек, 22-июлда кыргыз-тажик чек арасында чыр чыгып, ок атылган. Жаңжалдан бир нече адам жабыркаган. Кырдаалды  жөнгө салуу жана жергиликтүү тургундарга түшүндүрүү иштерин жүргүзүү максатында бир нече жетекчилер жаңжал чыккан аймакка барган.

Рубрики: ЖАҢЫЛЫКТАР , КООМ

Поделиться в социальных сетях:

Тема боюнча жаңылыктар

Бардык жаңылыктар >>